अजित पवारांच्या राष्ट्रवादीने आगामी निवडणुकांसाठी मोठी तयारी सुरू केलीय. प्रसिद्ध राजकीय रणनीतीकार प्रशांत किशोर आता पक्षाचे सल्लागार म्हणून काम पाहणार आहेत.यासंदर्भात सुनेत्रा पवार आणि खासदार पार्थ पवार यांच्यासोबत प्रशांत किशोर यांची दोन तास चर्चा झालीय. 'डिझाइन बॉक्स'नंतर आता प्रशांत किशोर यांची कंपनी पक्षाची नवी रणनीती ठरवणार आहे.

राष्ट्रवादी काँग्रेस पक्षाकडून डिझाईन बॉक्स नंतर लवकरच नव्या राजकीय रणनीती ठरवणाऱ्या संस्थेची नेमणूक करण्यात येणार आहे.

सोमवारी सकाळी २ तास राष्ट्रवादी काँग्रेस पक्षाच्या राष्ट्रीय अध्यक्ष सुनेत्रा पवार, खासदार पार्थ पवार यांच्यासोबत प्रशांत किशोर यांची बैठक पार पडली. बैठकीचे सोपस्कर पूर्ण झाल्यानंतर येत्या २ दिवसांत कायदेशीर बाबी पूर्ण करून लवकरच प्रशांत किशोर यांची कंपनी कामाला सुरुवात करणार आहे. १ जून पासून प्रशांत किशोर राष्ट्रवादी काँग्रेस पक्षाचे रणनितीकार म्हणून काम पाहणार असल्याची माहिती सूत्रांनी दिली.