वंचित बहुजन आघाडीचे अध्यक्ष प्रकाश आंबेडकर आणि प्रहारचे अध्यक्ष, आमदार बच्चू कडू यांच्या चांगलीच जुंपली आहे. प्रकाश आंबडेकरांनी कुणबी मराठा समाजातील उमेदवारांना मतदान करू नका, असं आवाहन केलं होत. यानंतर बच्चू कडू यांनी प्रत्युत्तर दिलं आहे. कुणबी-मराठा उमेदवार लुटारु आहेत का? असा सवाल बच्चू कडू यांनी केला आहे. त्यानंतर प्रकाश आंबेडकरांनी कळत नसेल तर बोलू नका, असे प्रत्युत्तर बच्चू कडू यांना दिलं आहे.

बच्चू कडू नेमकं काय म्हणाले?

बच्चू कडू म्हणाले, 'त्यांचा अभ्यास काय आहे, कसा आहे. ते म्हणताहेत सावध राहा. कुणबी-मराठा उमेदवार लुटारू आहेत का? हे त्यांनी सांगितलं पाहिजे'. बच्चू कडू यांच्या वक्तव्यावर भाष्य करताना प्रकाश आंबेडकर म्हणाले, 'मी जे काही बोलतो, ते समजून घेऊन बोललं तर त्यावर उत्तर देणं उचित समजतो. नाही तर मी दुर्लक्ष करत असतो'.