प्रहार संघटनेचे प्रमुख बच्चू कडू यांनी विविध प्रश्नांसाठी उपोषनाच हत्यार उपसले आहे. आज या उपोषनाचा चौथा दिवस आहे. राज्यभरातील अनेक नेत्यांनी कडू यांच्या आंदोलनाला पाठिंबा दिला आहे. जो पर्यंत मागण्या मान्य होत नाही तो पर्यंत बच्चू कडू यांनी उपोषण न सोडण्याचा निर्धार घेतल्याने प्रहार संघटनेने आक्रमक पवित्रा घेतला आहे. याच पार्श्वभूमीवर प्रहार संघटनेने मंत्रालयाबाहेर जोरदार आंदोलन सुरू केले असून पोलीस आणि या कार्यकर्त्यांमध्ये मोठी झटापट पाहायला मिळाली.

शेतकरी प्रश्नावर बच्चू कडूंची प्रहार संघटना आक्रमक झाली असल्याने मंत्रालयाबाहेर प्रहार संघटनेनं सरकारच्या विरोधात आज आंदोलन सुरू केलं आहे. अमरावतीत बच्चू कडूंच्या अन्नत्याग आंदोलनाचा आज चौथा दिवस आहे. सरकार दखल घेत नसल्याने कडूंचे कार्यकर्ते आक्रमक झाले. त्यांनी बच्चू कडूंच्या मागण्यांसाठी मंत्रालयाबाहेर आंदोलन करून सरकारचं लक्ष वेधण्याचा प्रयत्न केला. यावेळी काही आंदोलकांना पोलिसांनी ताब्यात देखील घेतले आहे.