बीडच्या भगवान गडावर दसरा मेळावा झाला. या मेळाव्यामध्ये सरपंच संतोष देशमुख हत्या प्रकरणातील आरोपी वाल्मीक कराडचे पोस्टर झळकवण्यात आले. या सभेत भाषण करताना भाजपच्या नेत्या पंकजा मुंडे यांनी आपल्या कार्यकर्त्यांना मोलाचा संदेश दिला. 'दोन घास कमी खा, पण स्वाभिमानाने रहा', असे आवाहन त्यांनी केले.

पंकजा मुंडे यावेळी म्हणाल्या की, 'भगवान बाबा म्हणायचे एक एकर शेती विका पण शिका. मी तुम्हाला आवाहन करते की दोन घास कमी खा. पण स्वाभिमानाने राहा. कुणाचे तुकडे उचलू नका. कुणाचे पैसे घेऊ नका, खोटे धंदे करू नका. गुंड पाळू नका. काही गरज नाही हे सगळं करायची. चांगल्या माणसाचं चांगलं होतंय. भगवान बाबांचे आशीर्वाद सोबत आहेत.'