राजकीय वर्तुळातून मोठी बातमी हाती आली आहे. अर्थसंकल्पीय अधिवेशनसाठी सर्व आमदार विधानभवनात उपस्थिती दर्शवत आहे. या अधिवेशनासाठी उद्धव ठाकरे आणि चंद्रशेखर बावनकुळे यांनी हजेरी लावली. यावेळी विधानभवनात उद्धव ठाकरे आणि चंद्रशेखर बावनकुळे यांनी एकाच लिफ्टमधून प्रवास केला. दोघांनी एकाच लिफ्टमधून प्रवास केल्यानंतर राजकीय वर्तुळात चर्चांना उधाण आलं आहे. मात्र, लिफ्टमधून एकत्र प्रवास करताना कोणता संवाद झाला, याविषयी कोणतीही अधिकृत माहिती आलेली नाही. मागील अधिवेशनाच्या वेळी उद्धव ठाकरे आणि देवेंद्र फडणवीस यांनी एकाच लिफ्टमधून प्रवास केला होता. त्यावेळीही राजकीय चर्चांना उधाण आलं होतं.