पंतप्रधान मोदी हे आज गुजरातच्या दौऱ्यावर आहेत. गुजरातच्या गांधीनगरला रोड शो करत त्यांनी महात्मा मंदिराच्या कार्यक्रमांना उपस्थिती दर्शवली. यावेळी त्यांनी ऑपरेशन सिंदूरवर देखील भाष्य करत परदेशी वस्तु न वापरण्याचे आवाहन केले. मोदी म्हणाले, आपण कोणत्याही विदेशी वस्तु वापरणार नाही, याची शपथ घ्या. दुर्दैवाने गणपतीची मूर्तीही परदेशातून येऊ लागली आहे.

तुम्ही तुमच्या घरी जा आणि या बाहेरच्या देशात बनलेल्या कोणत्या वस्तु वापरता याची यादी बनवा आणि विदेशी वस्तु वापरणार नाही अशी शपथ घ्या, तरच ऑपरेशन सिंदूर यशस्वी होईल असे पंतप्रधान नरेंद्र मोदींनी लोकांना आवाहन केले. यावेळी पंतप्रधान नरेंद्र मोदींनी नाव न घेता चीन देशातील वस्तूंवर बहिष्कार टाका असे सांगितले.