लोकसभेचे अर्थसंकल्पीय अधिवेशन सुरू आहे. या अधिवेशनामध्ये विरोधक चांगलेच आक्रमक झाले आहे. आज लोकसभेत राष्ट्रपतींच्या अभिभाषणाच्या आभार प्रस्तावावर पंतप्रधान नरेंद्र मोदी यांचे भाषण होऊ शकले नाही. त्यानंतर त्यांनी आज राज्यसभेत भाषण केले. पण भाषण सुरू होताच कॉंग्रेसचे खासदारांनी आक्रमक पवित्रा घेतला.

तरीही मोदींनी भाषण सुरूच ठेवले. मोदींचे भाषण सुरू असताना कॉँग्रेसचे राष्ट्रीय अध्यक्ष मल्लिकार्जुन खरगे यांनी आसनावर उभे राहून घोषणा दिल्या. हे पाहताच नरेंद्र मोदी म्हणाले, खरगे यांनी वयाचा विचार करून खाली बसावे आणि भाषण करावे असा टोला ही लगावला.