उपमुख्यमंत्री अजित पवार यांच्या जनसन्मान यात्रेला आजपासून सुरुवात होणार आहे. नाशिकच्या दिंडोरीतून या यात्रेला सुरुवात होणार असून या ठिकाणी गुलाबी रंगाचे बॅनर्स लावण्यात आले आहेत. विधानसभा निवडणुकासाठी अजित पवार यांनी गुलाबी पॅटर्न अवलंबला असल्याचं पाहायला मिळत आहे. काही दिवसांपूर्वी अजित पवार स्वतः देखील गुलाबी रंगाच्या जॅकेटमध्ये पाहायला मिळाले होते. अशातच त्यांच्या यात्रेत देखील गुलाबी रंगाची बस देखील पाहायला मिळत आहे. त्यामुळे अजित पवार यांच्या यात्रेमध्ये सर्वत्र गुलाबी वातावरण पाहायला मिळत आहे.