फलटणमध्ये डॉक्टर महिलेच्या आत्महत्येप्रकरणी मोठी अपडेट समोर आली आहे. साता-यातील फलटण येथील डॅाक्टर महिलेने ज्या हॅाटेलमध्ये आत्महत्या केली, त्या हॅाटेलमध्ये प्रवेश केल्याचा आणि रुममध्ये एन्ट्री केल्याचा सीसीटीव्ही हॅाटेल मालकाने जारी केला आहे. सीसीटीव्हीमध्ये दिसत असलेली डॅाक्टर महिला हॅाटेलच्या रुममध्ये जात आसल्याचे दिसत आहे. या घटनेनंतर तपासाचा वेग वाढवण्यात आला असून पोलिसांनी दोन जणांना अटक केली आहे. अटकेतील आरोपींमध्ये पीएसआय गोपाल बदने आणि घरमालक प्रशांत बनकर यांचा समावेश आहे. या प्रकरणाने संपूर्ण फलटण शहरात खळबळ उडाली असून, या आत्महत्येमागील कारणांवर आता अधिक स्पष्टता येण्याची शक्यता व्यक्त केली जात आहे. पोलिसांकडून या प्रकरणाचा तपास सुरू असून, सीसीटीव्हीतील पुराव्यांच्या आधारे पुढील कारवाई केली जाणार आहे.