सर्व सामन्यांच्या खिशाला पुन्हा एकदा केंद्र सरकारने कात्री लावायला सुरुवात केली आहे. एकीकडे अवकाळी पावसामुळे शेत पिकांचे नुकसान होऊन जीवनावश्यक वस्तूंचे दर हे दिवसेंदिवस वाढत असल्यामुळे सामान्य माणूस हा होरपळून निघाला आहे, अशा गंभीर स्थितीत दुसरीकडे केंद्र सरकारने नागरिकांच्या जखमेवर मीठ चोळायला सुरुवात केली आहे.

केंद्र सरकार आज पेट्रोल आणि डिझेलवरील उत्पादन शुल्कात प्रतिलीटर 2 रुपयांची वाढ होणार असल्याची घोषणा केली आहे. पेट्रोलवरील उत्पादन शुल्क प्रति लिटर 13 रुपये आणि डिझेलवरील उत्पादन शुल्क 10 रुपये करण्यात आल्याचे सरकारकडून सांगण्यात आले आहे. आंतरराष्ट्रीय तेलाच्या किमतीत घट झाल्यामुळे पेट्रोल आणि डिझेलच्या किमतीमध्ये आधीच कपात झालेली आहे. त्यामुळे उत्पादन शुल्क वाढीचा परिणाम हा सामन्यांच्या खिशाला बसणार आहे.