ठाकरे गटाच्या सामना मुखपत्रात शरद पवार यांचा लेख छापून आला आहे. या लेखातून शरद पवार यांनी मराठी माणसाला बुजरेपणा सोडण्याचा सल्ला दिला आहे. दिल्लीकरांना मराठी माणसाबद्दल आकस नसल्याचंही पवारांनी या लेखातून म्हटलं आहे. यावर आता शिंदे गटाचे नेते संजय शिरसाट यांनी जोरदार टोला लगावला आहे. मराठी माणूस पंतप्रधान झाला पाहिजे ही भूमिका सर्वात आधी बाळासाहेबांनी मांडली. पण जेव्हा प्रसंग आला तेव्हा बाळासाहेबांनी त्यांना मदतही केली, मात्र त्यावेळी पवार मागे सरकले असा खोचक टोला संजय शिरसाट यांनी शरद पवार यांच्या लेखावरुन लगावला आहे.