हा आगीचा गोळा नीट पहा, हा नुसता आगीचा गोळा नसून ही आगीनं वेढलेली ३ मुलींची आई आहे. होय तुम्ही जे ऐकताय ते अगदी खरंय. एका ३ मुलींच्या आईला तिच्याच पतीनं तिसरीही मुलगी झाली म्हणून अंगावर पेट्रोल ओतून भर रस्त्यात पेटवून दिलं. अंगावर शहारे आणणारी ही घटना पुरोगामी म्हणणाऱ्या आपल्या महाराष्ट्रातील परभणीमध्ये घडली.

केवळ मुलाच्या अट्टासापायी कुंडलिक काळेंना मुलींच्या देखत त्यांच्या आईला पेटवून दिलं. मदतीसाठी मैना काळे यांनी केलेली याचना सीसीटिव्हीतही कैद झाली. पण आगीनं रौद्ररुप धारण करत दुकान आणि घरालाही वेढलं. पण मदतीचे सगळे प्रयत्न फोल ठरले. उपचारा दरम्यान या महिलेचं निधन झालं आणि ३ मुली एका क्षणात पोरक्या झाल्या. पोलिसांनी या प्रकरणी आरोपी कुंडलिक काळेवर गुन्हा दाखल केलाय. मात्र मुलगा व्हावा यासाठी पुरोगामी महाराष्ट्रात आणखी किती पणत्या विझणार? हा महत्वाचा प्रश्न आहे... त्यामुळे अशा घटना रोखण्यासाठी सामाजिक प्रबोधनाची नितांत गरज असल्याचं दिसतंय.