पुणे येथे आज सकाळ माध्यम समूहाच्या ॲग्रोवन तर्फे शाश्वत शेती परिषदेचे आयोजन केले होते. या परिषदेला अनेक शेतकऱ्यांनी उपस्थिती लावली होती. या परिषदेला परभणी जिल्ह्यातील चंद्रकांत देशमुख यांनी पिकवलेल्या १० हजार रुपयाच्या आंब्याने सगळ्यांचेच लक्ष वेधून घेतले.

देशमुख यांनी पिकवलेल्या आणि मूळ जपानी प्रजातिचा असलेला मियाझाकी आंब्याचे एक फळ १० हजार रुपयांना आहे. विशेषतः हा आंबा गोड नसून कर्करोगरोधक आहे. तसेच इतक्या महाग आंब्याची विक्री सुद्धा सध्या पुणे, मुंबई आणि इतर देशात केली जातेय. परभणीच्या या शेतकऱ्याने त्यांच्या शेतीत तब्बल ५५ प्रकारचे आंबे पिकवले आहेत.