भाजप नेत्या पंकजा मुंडे पुन्हा एकदा चर्चेत आल्या आहेत. लोकसभेत मुंडेंचा पराभव झाल्यानंतर आता राज्यसभेवर वर्णी लागणार असल्याचं सांगितलं जात आहे. महाराष्ट्रातील भाजप नेतृत्वाकडून मुंडे यांचं नाव राज्यसभेच्या उमेदवारीसाठी पक्षश्रेष्ठींकडे पाठवलं गेल्याची माहितीही समोर आलीये. त्याचप्रमाणे उपमुख्यमंत्री देवेंद्र फडणवीस यांनी पंकजा मुंडे यांची राज्यसभेवर वर्णी लावली जावी, यासाठी गृहमंत्री अमित शाह यांच्यासोबतही चर्चा केली आहे. मागील काही दिवसांपासून मुंडे यांच्या पराभवाचे दु:ख सहन न झाल्याने काहींनी आत्महत्येसारखं टोकाचं पाऊलही उचलल्याचं दिसून आलंय. त्यामुळे आता भाजप हा महत्त्वाचा निर्णय घेणार का? हे पाहणंच महत्त्वाचं ठरणार आहे.