आषाढी एकादशीच्या दिवशी पंढरपूर येथे विठ्ठलाच्या दर्शनासाठी रांगेत उभे असलेल्या वारकऱ्याला बीव्हीजी कंपनीच्या खासगी सुरक्षा रक्षकाची काठीने बेदम मारहाण केल्याची घटना घडली आहे. या मारहाणीत हा वारकरी रक्तबंबाळ झाला आहे. या घटनेचा व्हिडिओ व्हायरल होताच नागरिकांनी तीव्र संताप व्यक्त केला आहे. याबाबतची अधिक माहिती अशी की, दर्शनाच्या रांगेत उभा असलेला भाविक हा नागपूर येथील होता.

एकादशी निमित्त पंढरपूरमध्ये मोठ्या प्रमाणात भाविकांची गर्दी झाली आहे. पालख्यांचे आगमन झाल्याने विठ्ठल दर्शनासाठी भाविक हे आतुर झालेले आहे. मंदीर समितीने दर्शनसाठी रांग केली असून ही रांग गोपळपुर पत्रा शेडपर्यंत पोहोचली आहे. या रांगेत उभ्या असलेल्या वारकऱ्याला किरकोळ कारणावरून या सुरक्षारक्षकाने बेदम मारहाण केली. यामुळे या सुरक्षा रक्षावर कारवाई व्हावी अशी मागणी केली आहे.