पंढरपूरच्या श्री विठ्ठल-रूक्मिणी मंदिरातील कर्मचाऱ्यांना बीव्हीजी कंपनीकडून चिकन मसाल्याचे वाटप करण्यात आल्याने वाद निर्माण झाला आहे. या घटनेवर जिल्ह्याचे पालकमंत्री जयकुमार गोरे यांनी तीव्र नाराजी व्यक्त केली असून, धार्मिक ठिकाणी अशा वस्तूंचे वाटप करणे अनुचित असल्याचे स्पष्ट केले आहे. पालकमंत्र्यांच्या नाराजीनंतर बीव्हीजी कंपनीकडून कर्मचाऱ्यांना देण्यात येणाऱ्या चिकन मसाल्यासह भेटवस्तूंचे वाटप तात्काळ थांबवण्यात आले आहे. या प्रकारावर समाजातील विविध स्तरांतूनही तीव्र प्रतिक्रिया उमटल्या आहेत. दरम्यान, मंदिर समितीने या प्रकरणाची गंभीर दखल घेत बीव्हीजी कंपनीला नोटीस बजावली असल्याची माहिती कार्यकारी अधिकारी राजेंद्र शेळके यांनी दिली आहे.