भरत नागणे, साम प्रतिनिधी

करमाळा तालुक्यातील वरकटणे गावात मेंढपाळांना काठी आणि दगडाने मारहाण करून गंभीर जखमी केल्याची घटना समोर आली. जखमी मेंढपाळ हे बारामती तालुक्यातील मुदाळी गावातील आहेत. मेंढापाळ वरकटणे परिसरात आले असता एका अनोळखी शेतकऱ्याच्या मोकळ्या शेतात मेंढ्या शिरल्याच्या कारणाने पाच ते सहा जणांनी काठी, दगडाने मारहाण केले. यामध्ये चंदाबाई भिवा मोटे,पूजा आबासाहेब पालवे,धनंजय आबासाहेब पालवे हे जखमी झाले आहेत. या प्रकरणी करमाळा तालुका पोलीस ठाण्यात चार ते पाच अज्ञाता विरोधात गुन्हा दाखल करण्यात आला आहे.