पालघर रेल्वे स्थानकाजवळ ओव्हरहेड वायर तुटल्याची घटना आज दुपारी घडली. या तांत्रिक बिघाडामुळे अजमेर एक्स्प्रेससह अनेक लांब पल्ल्याच्या गाड्या स्थानकावरच खोळंबल्या आहेत.पश्चिम रेल्वेच्या या मार्गावरील वाहतूक पूर्णतः विस्कळीत झाली असून, सध्या रेल्वे प्रशासन दुरुस्तीचे काम युद्धपातळीवर सुरू आहे.

या रेल्वे बिघाडाचा फटका प्रवाशांना बसत असून, लांब पल्ल्याच्या गाड्यांना 30 ते 35 मिनिटांचा विलंब होत आहे. वाहतूक पूर्ववत होण्यासाठी किमान एक तासापेक्षा अधिक वेळ लागण्याची शक्यता आहे, अशी प्राथमिक माहिती समोर येत आहे.

रेल्वे प्रशासनाकडून प्रवाशांना आवश्यक तेवढी माहिती देण्यात येत असून, तांत्रिक बिघाड लवकरात लवकर दूर करण्याचे प्रयत्न सुरू आहेत.