रुपेश पाटील, साम टीव्ही

पालघर जिल्ह्यातील डहाणू तालुक्यात पुन्हा एकदा भूकंपाचा सौम्य धक्का जाणवाला आहे. धुंदलवाडी, दापचारी, करंजविरा, धानिवरी आणि चारोटी या भागांमध्ये आज संध्याकाळी सुमारे 6 वाजून 5 मिनिटांच्या दरम्यान भूकंपाचे धक्के जाणवले. या भूकंपाची तीव्रता रिश्टर स्केलवर 2.3 इतकी नोंदवण्यात आली.

भूकंपाचा धक्का सौम्य असला, तरी परिसरातील नागरिकांमध्ये भीतीचे वातावरण निर्माण झाले आहे. डहाणू तालुक्यात पुन्हा भूकंपाचा धक्का जाणवल्याने नागरिकांमध्ये चिंतेचे वातावरण आहे.

दरम्यान या भूकंपामुळे कोणतीही जीवितहानी किंवा वित्तहानी झाली आहे का, याबाबत अधिकृत माहिती अद्याप समोर आलेली नाही.