पाकिस्तानचा हॉकी संघ लवकरच भारतात दाखल होणार आहे. भारत सरकारच्या क्रीडा मंत्रालयासह गृह आणि परराष्ट्र मंत्रालयानेही पाक संघाला भारतात येण्यासाठी हिरवा कंदील दाखवला आहे. त्यामुळे पाकिस्तानचा आशिया कप आणि ज्युनियर हॉकी वर्ल्ड कप खेळण्यासाठी भारतात येणार आहे.ऑपरेशन सिंदूर’च्या पार्श्वभूमीवर पाकिस्तानच्या सहभागाबाबत साशंकता होती. मात्र आता त्या सर्व अडथळ्यांवर मात करत भारत सरकारने अधिकृत परवानगी दिली आहे.

पाक संघ पुढील महिन्यात होणाऱ्या आशिया कप हॉकी स्पर्धेत सहभागी होणार असून नोव्हेंबर-डिसेंबरमध्ये होणाऱ्या ज्युनियर वर्ल्ड कपमध्येही त्यांचा सहभाग निश्चित करण्यात आला आहे.हा निर्णय क्रीडाप्रेमींसाठी आणि दोन्ही देशांतील क्रीडा संबंध दृढ करण्याच्या दृष्टीने महत्त्वाचा मानला जात आहे. आता या दोन्ही स्पर्धांकडे सर्वांचे लक्ष लागून राहिले आहे.