जम्मू काश्मीरच्या पाहलगामच्या वैसरन घाटात पाकिस्तानी दहशतवाद्यांनी पोलिसांच्या वेशात येऊन भ्याड हल्ला केला होता. या हल्ल्यामध्ये तब्बल 26 निष्पाप भारतीय पर्यटकांचा मृत्यू झाला आहे. यानंतर एनआयय या संपूर्ण घटनेचा तपास करत आहे. हा हल्ला पाकिस्तानमध्येच शिजला असल्याचे तपासात समोर आले आहे.

तसेच हल्लेखोर श्रीलंकेतील कोलंबोत लपल्याची माहिती सूत्रांनी दिली आहे. यानंतर श्रीलंकेतील कोलंबो विमानतळावर तातडीने सर्च ऑपेरेशन राबवण्यात आले. पहलगाम हल्ल्यातील सहा दहशतवादी चेन्नईहून विमानाने श्रीलंकेला आल्याची महिती भारताने दिल्याने श्रीलंकेच्या अधिकऱ्यांनी लगेचच सर्च मोहीम सुरू केली. मात्र त्या विमानात कुठलाही संशयित सापडला नाही.