मुंबई : केंद्रिय मंत्री नितीन गडकरी यांनी एक मोठा गौप्यस्फोट केलाय. विरोधकांनी पंतप्रधान पदाची ऑफर दिल्याचं समोर आलंय. तुम्ही जर पंतप्रधान पदाचे उमेदवार व्हाल, तर आम्ही तुम्हाला पाठिंबा देऊ अशी ऑफर विरोधकांनी दिल्याचा धक्कादायक खुलासा केंद्रिय मंत्री नितीन गडकरी यांनी केलाय. कोणाचंही नाव घेता, गडकरी यांनी हे वक्तव्य केलंय. ते काल नागपूरमधील प्रेस क्लब येथे आयोजित केलेल्या एका पुरस्कार वितरण कार्यक्रमादरम्यान बोलत होते.

नितीन गडकरी म्हणाले की, त्या व्यक्तीला पाठिंबा का देता? असा सवाल त्यांना केला गेला होता. यावर गडकरींनी मी तुमचा पाठिंबा का घेऊ? असा प्रश्न केला. पंतप्रधान बनणं, हे माझ्या आयुष्याचे उद्दिष्ट नाही, असं त्यांनी स्पष्टपणे सांगितल्याचं म्हटलंय. तर कोणत्याही पदासाठी तडजोड करणार नाही. एकनिष्ठपणा महत्वाचा असल्याचं गडकरी म्हणाले आहेत. लोकशाहीमध्ये चारही स्तंभ योग्य पद्धतीने चालल्यास लोकतंत्र यशस्वी होईल, असं नितीन गडकरी म्हणाले आहेत.