उद्यापासून राज्याचे पावसाळी अधिवेशन सुरू होत आहे. याच पार्श्वभूमीवर महाविकास आघाडीची पत्रकार परिषद पार पडली. यावेळी शिवसेना ठाकरे गटाचे नेते तथा विधानपरिषदेचे विरोधी पक्षनेते अंबादास दानवे यांनी सरकारवर जोरदर टीकास्त्र सोडले. ते म्हणाले, राज्यातील बिघडलेली कायदा सुव्यवस्था, सरकारची शेतकरी विरोधी भूमिका, भ्रष्टाचारात मंत्र्यांचा हात, हिंदीची होत असलेली सक्ती, मंत्र्यांची मस्तीची भाषा यामुळे सरकारने पावसाळी अधिवेशनापूर्वी आयोजित केलेल्या चहापान कार्यक्रमावर बहिष्कार घातल्याचा निर्णय महाविकास आघाडी सरकारने घेतला आहे.