मराठा समाजाला ओबीसी प्रवर्गातून आरक्षण देऊ नये या मागणीसाठी अंतरवाली सराटीमध्ये उपोषणाला बसण्याची ओबीसी आंदोलकांनी प्रशासनाकडे परवानगी मागितली आहे.आज १० वाजता आपण उपोषणाला बसणार असल्याचं ओबीसी कार्यकर्ते बाळासाहेब बटुळे आणि बाळासाहेब दखने यांनी सांगितले आहे. मात्र प्रशासनाने या आंदोलकांना आंदोलनाचे स्थळ तसेच आंदोलनाला बसणाऱ्या इतर लोकांची माहिती देण्याचं कळवले आहे. दरम्यान या बाबीची पूर्तता केल्याशिवाय आंदोलकांच्या परवानगीचा निर्णय घेता येणार नसल्याचे पोलिसांनी आंदोलकांना कळवलंय. दरम्यान अंतरवाली सराटी परिसरातील सोनियानगर येथे ओबीसी आंदोलक ओबीसी आरक्षण बचावासाठी उपोषणाला बसणार असल्याची माहिती आहे. दरम्यान उपोषणाच्या पार्श्वभूमीवर पोलिसांनी बंदोबस्त वाढवला आहे.