मुंबईचा महापौर मराठी भाषिकच असावा, अशी मागणी एका वक्त्याने केली आहे. भाजप नेत्याने मुंबईचा महापौर 'हिंदू' असेल असे सांगितले. पण मराठी असेल असे ठामपणे न सांगितल्याचे नमूद करत या भूमिकेवर टीका केली. जर तुम्ही अमराठी किंवा हिंदू नाटक करून अमराठी उमेदवार महापौर म्हणून दिलात तर संपूर्ण मराठा आणि मराठी समाज रस्त्यावर उतरून रस्ता रोको केल्याशिवाय राहणार नाही असा इशारा देण्यात आला. जात-पात बाजूला सारून सर्व मराठी भाषिकांनी एकत्र येण्याचे आवाहन केले आहे. आतापर्यंत जातीसाठी लढलो, आता मातीसाठी लढू, असे सांगत मराठी अस्मितेसाठी लढा उभारणार असल्याचे स्पष्ट केले. कोणत्याही पक्षाने मराठीचा ठेका घेतला नसून, आता सर्वसामान्य मराठी माणूस रस्त्यावर उतरेल, असेही म्हटले आहे.