काँग्रेस नेते आणि विधानसभेचे माजी विरोधी पक्षनेते विजय वडेट्टीवार यांनी उद्धव ठाकरे आणि राज ठाकरे यांच्या संभाव्य आघाडीबाबत प्रतिक्रिया दिली आहे. ठाकरे बंधूंकडून आघाडीबाबत अद्याप कोणताही प्रस्ताव आलेला नाही, असे वडेट्टीवार यांनी स्पष्ट केले. उद्धवजी आणि राज ठाकरे हे दोघे भाऊ एकत्र येऊन लढत असतील आणि त्यांनी आघाडीबाबत काही प्रस्ताव दिला, तर आम्ही स्थानिक स्तरावर त्याविषयी चर्चा करू. त्यानंतर वरिष्ठ नेत्यांशी चर्चा करून निर्णय घेतला जाईल, असे वडेट्टीवार म्हणाले. प्रस्ताव आल्यास काँग्रेसचे वरिष्ठ नेते त्यावर चर्चा करून पुढील धोरण ठरवतील, असेही त्यांनी नमूद केले. सध्या ना उद्धव ठाकरे यांच्याकडून, ना राज ठाकरे यांच्याकडून कोणताही आघाडीचा प्रस्ताव आलेला नाही, हे त्यांनी पुन्हा एकदा स्पष्ट केले.