आगामी महापालिका निवडणुका विकासाच्या मुद्द्यावर लढणार असल्याचं विधान केंद्रीय मंत्री नितीन गडकरी यांनी केलं आहे. निवडणुकीत इलेक्शन मॅनेजमेंट होता कामा नये लोकांना काम पाहिजे आहे, असं म्हणत त्यांनी कार्यकर्त्यांना फुकटात दारू पाजण्याचे धंदे बंद करण्याचा सल्ला दिला. नागपूर शहराचा विकास करून, इमानदारीने काम करून लोकांकडे मतं मागितल्यास लोक आपल्याला मतं दिल्याशिवाय राहणार नाहीत, असा विश्वास गडकरींनी व्यक्त केला. यावर प्रतिक्रिया देताना काँग्रेस प्रदेशाध्यक्ष हर्षवर्धन सपकाळ यांनी गडकरींच्या भूमिकेचं स्वागत केलं. पण गडकरी साहेबांचा पक्ष हा गडकरी साहेबांचा आहे का? असा सवाल करत भाजप गडकरींचं ऐकणार का, अशी विचारणा केली आहे.