Nitesh Rane on Nashik Tree Cutting: नाशिकमधील तपोवन परिसरातील वृक्षतोडीचा वाद आता राजकीय वळणावर पोहोचला आहे. भाजप नेते आणि मंत्री नितेश राणे यांनी या वादात उडी घेतली. 'तपोवनातल्या वृक्षतोडीची चिंता करणारे बकरी ईदला गप्प का?' असा सवाल राणे यांनी उपस्थित केला. राणे यांच्या विधानावर शिंदे गटाचे नेते संजय शिरसाट यांनी तीव्र प्रतिक्रिया दिली आहे. शिरसाट यांनी राणेंचे हे वक्तव्य त्यांचे 'वैयक्तिक मत' असल्याचे सांगतिले. 'हिंदुत्व आणि झाडं याचा कुठेही संबंध लागत नाही,' असे स्पष्ट केले आहे. वृक्षतोडीवरून सुरू असलेल्या या वादात आता महायुतीमधील नेत्यांमध्येच मतभेद दिसून येत आहेत.