सिंधुदुर्ग जिल्ह्याचे पालकमंत्री नितेश राणे यांनी पुन्हा वादग्रस्त वक्तव्य केलंय. ऐन निवडणुकीत केलेल्या राणेंच्या वक्तव्याची जोरदार चर्चा सुरू झाली आहे. ''विकासाचा निधी मीच देणार आहे. पालकमंत्री असल्याने तिजोरीच्या चाव्या या माझ्याच ताब्यात असून निधी कमळ आणि धनुष्यबानलाच मिळणार आहे, असे राणे म्हणाले.

'ठाकरे गटाचा उमेदवार कदाचित निवडून आलाच तर दिलेला निधी मागे घेणार. त्यामुळं महायुतीच्या उमेदवाराला निवडून द्या, असे ते पुढे म्हणाले. महायुतीच्या प्रचारसभेच्या निमित्ताने आयोजित खळा बैठकीत मंत्री नितेश राणे यांनी हे वादग्रस्त वक्तव्य केलं आहे.