नेपाळमध्ये सरकारने फेसबुक, इन्स्टाग्राम, युट्यूब, व्हाट्सअप आणि ट्विटर तसेच 26 सोशल मीडियावर बंदी घातल्याने आज मोठ्या प्रमाणात तरुणाई ही रस्त्यावर उतरली होती. राजधानी काठमांसह विराटनगर, भरतपूर आणि पोखरा या शहरांत हजारो तरुणांनी जोरदार आंदोलन केले. या आंदोलनामध्ये आंदोलक थेट संसदेत शिरले. यानंतर तेथील सैन्याने गोळीबार केला. नेपाळच्या राजधानी काठमांडूत सरकारविरोधात मोठ्या प्रमाणात निदर्शन झाली. नागरिकांनी सरकारवरील भ्रष्टाचाराचे आरोप आणि सोशल मीडिया प्लॅटफॉर्म्सवरील अलीकडील बंदी फेसबुक, इंस्टाग्राम, व्हॉट्सअॅप इत्यादी यांवर तीव्र आंदोलन केले. या आंदोलनात १८ जणांचा मृत्यू झाला असून २५० पेक्षा जास्त जखमी झाले आहेत, अशी माहिती नेपाळच्या आरोग्य मंत्रालयाने दिली आहे.