मराठा आरक्षणासाठी मनोज जरांगे पाटील यांनी पुन्हा उपोषण सुरू केले आहे. आता शरद पवार गटाचे आमदार आणि माजी मंत्री राजेश टोपे यांनी जरांगे पाटील यांची उपोषणस्थळी भेट घेतली आहे. टोपे यांनी जरांगे पाटील यांची भेट घेऊन त्यांची चौकशी केली आहे. जरांगे पाटील यांनी ४ जूनपासून उपोषण करण्याचे जाहीर केले होते. पण निकालामुळे त्यांनी ८ जूनला उपोषण करण्याचे म्हटले होते. पोलिसांनी या उपोषणाला अद्याप परवानगी दिलेली नाही तरी जरांगे पाटील यांनी पुन्हा उपोषण सुरू केले आहे.