योगेश काशिद , बीड | साम टीव्ही

Navnath Waghmare latest news from Beed Maharashtra : मराठा समाजातील मुलींबद्दल वादग्रस्त वक्तव्य केल्याप्रकरणी नवनाथ वाघमारे यांच्याविरोधात राज्यभरात संतापाची लाट उसळली आहे. असं असताना बीडच्या गेवराईमध्ये एका कार्यक्रमानिमित्त मिरवणूक काढण्याता आली. ओबीसी आंदोलक लक्ष्मण हाके आणि नवनाथ वाघमारे हे या मिरवणुकीत सहभागी झाले होते.

यावर मराठा आंदोलक गंगाधर काळकुटे यांनी तीव्र संताप व्यक्त केला आहे. वाघमारे यांना राज्यात दंगली घडवायच्या आहेत का? असा सवाल त्यांनी उपस्थित केला असून, कारवाई न झाल्यास मराठा स्टाईलने उत्तर देण्याचा इशारा त्यांनी दिला.

मराठा मुलींबद्दल वादग्रस्त वक्तव्य केल्याने राज्यातील महिला आणि मुलींच्या भावना दुखावलेल्या आहेत. नवनाथ वाघमारेंवर राज्यात विविध ठिकाणी गुन्हे दाखल असून, त्याला पोलिसांनी अटक करणं गरजेचं होतं; मात्र तो फिरतोय. त्याला बीडमध्ये आणि महाराष्ट्रात दंगली घडवायच्या आहेत का? असा सवालही काळकुटे यांनी केला.