नाशिकमध्ये लाचलुचपत प्रतिबंधक विभागाने मोठी कारवाई केलीये. नाशिक जिल्हा परिषदेत सापळा रचून लाचलुचपत प्रतिबंधक विभागाने ही कारवाई केलीये. जिल्हा परिषदेतील क्लास वन अधिकाऱ्याला लाच घेताना रंगेहाथ पकडलं. जिल्हा परिषदेतील लघु पाटबंधारे विभागातील कार्यकारी अभियंता वैशाली ठाकरे यांना लाच घेताना रंगेहाथ पकडलं. ठेकेदाराचे बिल अदा करण्याच्या बदल्यात ५० हजार रुपयांची लाच घेताना ठाकरे यांना रंगेहाथ पकडलं. वैशाली ठाकरे यांना ताब्यात घेऊन लाचलुचपत प्रतिबंधक विभागाकडून कारवाईला सुरुवात करण्यात आली आहे. लाचलुचपत प्रतिबंधक विभागाच्या या कारवाईमुळे जिल्हा परिषदेमध्ये खळबळ उडाली आहे.