गंगापूर धरणातून साडेआठ हजार क्युसेक वेगाने गोदावरी नदी पात्रामध्ये पाण्याचा विसर्ग केला जातोय. त्र्यंबकेश्वरमध्ये होत असलेल्या मुसळधार पावसामुळे गंगापूर धरण 90% पेक्षा जास्त भरलं असून धरणात वेगाने पाण्याची आवक होत असल्यामुळे कालपासून धरणातून पाण्याचा विसर्ग केला जातोय. गोदावरीला आलेल्या पुरामुळे रामकुंडाचा परिसर पाण्याखाली गेलाय. दररोज रामकुंड परिसरात होणाऱ्या पूजा विधींना पुराच्या पाण्याचा फटका बसलाय. रात्रभर पडणाऱ्या पुराच्या पाण्यामुळे गोदावरीच्या पुराचे पाणी रामकुंडावर येणाऱ्या रस्त्यापर्यंत आलंय. या पुराच्या पाण्यामुळे रस्त्यावर पूजाविधी करण्याची भाविकांवर वेळ आलीये. पाणी पातळीत वाढ होण्याची शक्यता असल्याने रामकुंड परिसरातील दुकानं आणि टपऱ्या हलवल्या गेल्यात.