Nashik Rain News: नाशिकच्या मालेगाव येथील संवदगाव जवळ गिरणा नदीच्या पुरात अडकलेल्या 12 जणांना वाचविण्यासाठी नाशिक येथून NDRF ची टीम रात्री दाखल झाली. मात्र अंधारामुळे बचाव कार्य थांबविण्यात आले होते. सकाळी पुन्हा बचाव कार्य सुरु करण्यात येणार आहे. काल मालेगाव महापालिका अग्निशमन दल व स्थानिकांच्या मदतीने अडकलेल्या सर्वांना बाहेर काढण्याचा प्रयत्न सुरु होते. हे सर्व 12 जण नदीपात्रात मासेमारी करण्यासाठी गेले होते. दरम्यान नाशिकमध्ये पुराचा धोका वाढतच चाललाय, प्रशासनाकडून नागरिकांना सतर्कतेचा इशारा देण्यात आलाय.