भाजप खासदार नारायण राणे यांना मोठा दिलासा मिळाला आहे. त्यांच्यावर अलिबाग आणि पुणे दाखल करण्यात आलेल्या दोन्ही गुन्ह्यामध्ये पोलिसांनी त्यांना क्लीनचीट दिली आहे. हे दोन्ही गुन्हे रद्द करण्यात यावेत यासाठी त्यांनी मुंबई हायकोर्टात धावही घेतली होती. पण त्याआधीच पोलिसांनी या प्रकरणाची फाईल बंद करण्याचा निर्णय घेतला आहे.

नेमके प्रकरण काय?

24 ऑगस्ट 2021 रोजी नारायण राणेंनी भाजपच्या जनआशीर्वाद यात्रेवेळी पत्रकार परिषद घेत टीका केली होती. ते म्हणाले होते की, स्वातंत्र्यदिनाच्या कार्यक्रमात संबोधित करताना देशाच्या स्वातंत्र्याला किती वर्षे झाली? हे विसारल्याचे सांगत मी तिथे असतो तर त्यांच्या कानशि‍लात लागवली असती असे वादग्रस्त विधान केले होते. त्यांच्या विधानानंतर शिवसैनिक हे आक्रमक झाले होते यानंतर महाड, पुणे आणि नाशिक इथे त्यांच्यावर शिवसेनेच्या कार्यकर्त्यांनी गुन्हे दाखल केले होते. यानंतर आता या गुन्ह्यातून त्यांना आता क्लीनचीट दिली आहे.