राज्याचे अर्थसंकल्पीय अधिवेशन सध्या सुरू आहे. गुरुवारी विधानपरिषदेमध्ये भाजप आमदार चित्रा वाघ आणि ठाकरे गटाचे आमदार अनिल परब यांच्यामध्ये मोठा आरोपांचा राडा झाला होता. यामुळे विधासभेत मोठा गदारोळ निर्माण झाला होता. त्यानंतर खासदार नारायण राणे यांनी ट्विट करून चित्रा वाघ यांची पाठ देखील थोपटली होती. आज त्याच प्रकरणावर नारायन राणे यांनी अनिल परब यांना आव्हान दिले आहे. राणे म्हणाले, अनिल परब आणि आक्रमकता हे समीकरण जमते का? त्यांनी कोणाच्याही कानफाडात मारल्याचे पाहिले आहे का? पेशाने वकील असल्यामुळे ते भाषणे करू शकतात. त्यांनी उगाच बढाया मारू नये, असा टोला राणे यांनी लगवला. चित्रा वाघ तुम्हाला पुरून उरेल. तिच्या मागे पूर्ण भाजप आणि नारायण राणे आहे. तसेच अनिल परब यांनी ठिकाण आणि वेळ सांगावी कोणी नाही आले तर नारायण राणे स्वतः तिथे येईल असे ओपन चॅलेंज नारायण राणे यांनी अनिल परब यांना दिले.