नंदुरबारमधून (Nandurbar News) एक खळबळजनक आणि संतापजनक घटना समोर आलीये. आदिवासींच्या मरण यातना काही संपता संपत नाहीयेत, असं म्हणण्याची आता वेळी आलीये. कारण गावाकडे जायला रस्ता नसल्यामुळे महिलेची रस्त्यामध्येच प्रसूती झाली आहे. आदिवासी महिलेला चक्क बांबूची झोळी बांधून रुग्णालयात नेलं जात होतं. पण वेळेवर रुग्णालयात पोहोचता आलं नाही. त्यामुळे रस्त्यामध्येच या महिलेची प्रसूती झाली आहे. सुदैवानं बाळ आणि आई दोघेही सुखरूप आहेत. मात्र याकडे प्रशासनानं दुर्लक्ष असल्याचं गंभीर उदाहरण समोर आलंय.