नंदुरबारमध्ये मुसळधार पाऊस सुरू असून सातपुडा पर्वत रांगेत गेल्या 48 तासांपासून मुसळधार पाऊस पडतोय. सततच्या पावसामुळे सातपुड्यातील सोन नदीला मोठा पूर आला तसेच अक्राणी तालुक्यातील सोन गावाजवळ असलेल्या नदीला पूर आला आहे. पूर पाण्याखाली गेल्याने 12 गावांचा संपर्क तुटल्यामुळे सोन नदीवरील पुलाच्या दोन्ही बाजूला वाहतूक ठप्प झाली आहे.

सातपुडा पर्वत रांगेत जोरदार पाऊस झाला आणि या पावसामुळे अक्कलकुवा तालुक्यातील वान्याविहीर गावात पाणी साचलं असून जनजीवन विस्कळीत झालं आहे. गावाला नदीचं स्वरुप आलंय तर काही वाहनंही पाण्याखाली गेलीत. तर अनेकांच्या घरात पाणी गेल्याने संसारोपयोगी साहित्याचं नुकसान झालंय.