नांदेड जिल्ह्यात आज मुसळधार पावसाचा इशारा हवामान विभागाने दिला आहे. तसेच मुसळधार पावसामुळे नांदेडला आज ऑरेंज अलर्ट जारी करण्यात आला आहे. याच पार्श्वभूमीवर जिल्हाधिकारी राहुल कर्डीले यांनी खबरदारीचा उपाय म्हणून सर्व शाळांना व कॉलेजना आज एक दिवसाची सुट्टी जाहीर करण्यात आली आहे. हवामान विभागाच्या अंदाजानुसार जिल्ह्यात काही भागांमध्ये जोरदार ते अतिजोरदार पावसाची शक्यता वर्तवण्यात आली आहे. गेल्या काही दिवसांत पावसाने अधूनमधून जोर धरला असून नद्यांच्या पातळीतही वाढ झाली आहे. त्यामुळे संभाव्य धोका टाळण्यासाठी प्रशासनाने हा निर्णय घेतला आहे. नागरिकांना अनावश्यक घराबाहेर न पडण्याचे आणि सुरक्षित स्थळी राहण्याचे आवाहन करण्यात आले आहे.