विधानसभा निवडणुकीच्या तोंडावर शरद पवार यांनी अजित पवारांना मोठा धक्का दिला आहे. अजित पवार यांच्या राष्ट्रवादी गटातील 10 नगरसेवक शरद पवार यांच्या गटात जाणार असल्याची माहिती समोर आली आहे. त्यामुळे राजकीय वर्तुळात खळबळ उडाली आहे.

विधानसभेत अजित पवार यांच्या गटाला सुरुंग लावण्यासाठी शरद पवार प्रयत्न करत आहेत. अजितदादांच्या गटात अनेक नेते कार्यकर्ते नाराज असल्याच्या चर्चा काही दिवसांपासून राजकीय वर्तुळात रंगल्या आहेत. त्यातच आता अजित पवार यांच्या गटातील 10 नगरसेवक येत्या 27 सप्टेंबरला शरद पवार यांच्यासोबत जाणार आहे. शरद पवार यांच्या सभेत हा पक्षप्रवेश पार पडणार आहे. बापू पठारे यांच्या पक्ष प्रवेशानंतर वडगावशेरीमध्ये शरद पवार सभा घेणार आहेत. याच सभेत अजितदादांच्या जवळचे 10 नगरसेवक घरवापसी करणार आहेत. त्या दृष्टीने सगळ्या हालचाली सुरू झाल्या आहेत. अजित पवार यांना हा आणखी एक मोठा धक्का शरद पवारांनी दिला आहे.