अकोला पश्चिम मतदारसंघाची जागा कॉंग्रेसला देण्यास ठाकरे गटाच्या कार्यकर्त्यांनी विरोध केला आहे. त्याचबरोबर ही जागा ठाकरे गटाला सुटावी यासाठी आज अकोला पश्चिममधील कार्यकर्त्यांनी आज खासदार संजय राऊत यांच्या निवासस्थानी जाऊन त्यांची भेट घेतली आहे. जर ही जागा कॉंग्रेसला सुटली तर अपक्ष निवडणूक लढवण्याचे संकेत राजेश मिश्रा यांनी दिले आहेत. त्यामुळे ठाकरे गटाकडून बंडखोरीचेच संकेत महाविकास आघाडीत देण्यात आले आहे.

विधानसभा निवडणुकीचं रणशिंग फुंकल्यानंतर आता राज्यातील राजकीय घडामोडींना वेग आला आहे. महाविकास आघाडीत नाराज इच्छुक उमेदवारांकडून बंडखोरी केली जात आहे. आता अकोला पश्चिम मतदारसंघातून देखील ठाकरे गटाकडून बंडखोरी होण्याचे चिन्ह दिसत आहेत. ही जागा कॉंग्रेसला सुटणार असल्याने आता ठाकरे गटाचे कार्यकर्ते आक्रमक झाले आहेत. ठाकरे गटाकडून राजेश मिश्रा हे निवडणूक लढवण्यास इच्छुक आहेत. त्यामुळे आज अकोला पश्चिममधील कार्यकर्त्यांनी आज खासदार संजय राऊत यांच्या निवासस्थानी जाऊन त्यांची भेट घेत ही जागा ठाकरे गटाला सोडण्याची मागणी केली आहे. ही जागा कॉंग्रेसला सुटली तर अपक्ष निवडणूक लढवण्याचे संकेत राजेश मिश्रा यांनी दिले आहेत. त्यामुळे आता यावर महाआघाडी काय भूमिका घेणार हे पाहाणं महत्वाचं ठरेल.

Edited By Rakhi Rajput