मुंबईत सकाळपासून विनाखंड पाऊस सुरू आहे. संततधार कोसळधारेमुळे मध्य रेल्वेची वाहतूक विस्कळीत झाली आहे. रेल्वे रूळावर पाणी साचलं असून, स्टेशन देखील जलमय झाले आहे. ठाणे स्टेशनच्या प्लॅटफॉर्मवरील व्हिडिओ समोर आला आहे.

या व्हिडिओमध्ये स्टेशनच्या जिन्यातून पाणी वाहताना दिसत आहे. प्लॅटफॉर्म क्रमांक १ च्या जिन्यातून पाणी वाहताना दिसत आहे. पाणी वाहत असल्यामुळे या जिन्याला धबधब्याचं स्वरूप प्राप्त झालं आहे. यामुळे प्रवाशांची तारांबळ उडाली असून, या पाण्यातून वाट काढत प्रवासी जात आहे.