हाँगकाँग आणि सिंगापूरमध्ये करोना वाढत असताना मुंबईत सौम्य करोनाचे रुग्ण आढळून आले आहेत. दोघांचा करोनामुळे मृत्यू झाल्याचा संशय व्यक्त करण्यात आला आहे. त्यामुळे मुंबईकरांना काळजी घेण्याचे आवाहन प्रशासनाने केले आहे. आठवड्याभरात ७ ते ८ जणांना करोनाची लागण झाल्याची माहिती समोर आली आहे.

मुंबईच्या केईएम रुग्णालयात काल २ करोना सदृश्य रुग्णांचा मृत्यू झाला. त्यानंतर आज आठ करोना बाधित रुग्णांना मुंबईच्या सेव्हन हिल्स रुग्णालयात दाखल करण्यात आले आहेत. या रुग्णांना वेगवेगळ्या व्याधी झाल्याने रुग्णालयात दाखल करण्यात आले होते. पण त्यांचा रिपोर्ट करोना पॉझिटिव्ह आला. मुंबईकरांनी सावधगिरीने राहण्याचे आवाहन सरकारकडून केले जात आहे.