मध्य रेल्वेची वाहतूक विस्कळीत झाली. विक्रोळी स्थानकाजवळ तांत्रिक बिघाड झाल्यामुळे मध्य रेल्वेची वाहतूक विस्कळीत झाली आहे. विक्रोळी स्थानकाजवळ लोकल थांबत थांबत पुढे जात आहेत. सकाळी ६ वाजल्यापासून मध्य रेल्वे मार्गावरील वाहतूक विस्कळीत झाली आहे. दोन्ही मार्गावरील लोकल उशिराने धावत आहेत. मध्य रेल्वे मार्गावरील मुंबईच्या दिशेने येणारी लोकलसेवा ३० ते ३५ मिनिटं उशिराने सुरु आहे. रेल्वे कर्मचाऱ्यांकडून दुरूस्तीचे काम वेगाने सुरू असून लोकलसेवा पूर्ववत करण्याचे प्रयत्न सुरू आहेत. ऐन गर्दीच्या वेळी मध्य रेल्वेची वाहतूक विस्कळीत झाल्यामुळे सर्वच रेल्वे स्थानकांवर प्रवाशांची गर्दी झाली आहे. ऑफिसला पोहचण्यासाठी उशिर होणार असल्यामुळे कर्मचाऱ्यांना आज लेटमार्क लागण्याची शक्यता आहे.