राज्यातील अनेक ठिकाणी मुसळधार पाऊस कोसळत आहे. मुंबईतही मध्यरात्रीपासून पावसाने तुफान बॅटिंग सुरु केली आहे. त्यामुळे नागरिकांचे चांगलीच तारांबळ उडाली आहे. मुंबईसह ठाणे, रायगड, नवी मुंबई या ठिकाणी 24 तासात पावसाची शक्यता वर्तवण्यात आली असून पावसाचा रेड अलर्ट देण्यात आला आहे.

याच पार्श्वभूमीवर आज मुंबईमध्ये जोरदार पाऊस सुरू झाल्याने लोकलची सेवा देखील विस्कळीत झाल्याचे दिसून आले. यानंतर मंत्रालयातील सर्व सरकारी कर्मचाऱ्यांना संध्याकाळी चार वाजताच घरी रवाना करण्यात आले आहे. मुंबईतील पावसाचा परिणाम लोकल सेवेवर झाला असून यामुळे नागरिकांचे हाल होऊ नये त्यासाठी सरकारने सर्व शासकीय कर्मचाऱ्यांना लवकर घरी पाठवले आहे.