गोरेगाव पूर्व येथील गोकुळधाम परिसरातील एका इमारतीला भीषण आग लागल्याची घटना समोर आली आहे. कृष्णा वाटिका रोडवरील डीबी वुड या ४५ मजली इमारतीच्या नवव्या मजल्यावर आग लागली. शुक्रवारी सकाळी ही आग लागल्याची घटना घडली. अग्निशमन दलाने घटनास्थळी धाव घेतली असून आग विझवण्याचे प्रयत्न सुरू आहेत.

अग्निशमन दलाकडून या आगीला लेव्हल-1 घोषित करण्यात आले. प्राथमिक माहितीनुसार, आग बेडरूममध्ये लागून विजेची वायरिंग, इलेक्ट्रिक इंस्टॉलेशन आणि घरगुती साहित्यापर्यंतच मर्यादित होती. इमारतीतील रहिवाशांना सुरक्षितपणे रिफ्यूज एरिया आणि टेरेसवर हलविण्यात आले असून कोणतीही जीवितहानी झालेली नाही. घटनास्थळी ४ फायर इंजिन, ४ जंबो टँकर, अ‍ॅडव्हान्स वॉटर टँकर, टर्न टेबल लॅडर, हाय प्रेशर पंप व इतर बचाव साहित्य तैनात करण्यात आले आहे. मुंबई अग्निशमन दल, पोलिस, वीज वितरण कंपनी आणि बीएमसी कर्मचारी यांच्या मदतीने आगीवर नियंत्रण मिळवण्याचे प्रयत्न सुरू आहेत.