मुंबईतील वाढत्या वाहतूक कोंडीवर तोडगा काढण्यासाठी महत्त्वाचा निर्णय घेण्यात आला आहे. मुंबई अहमदाबाद राष्ट्रीय महामार्गावर 2 ऑक्टोंबर दिवसा अवजड वाहनांच्या वाहतुकीवर बंदी घालण्यात आली आहे. नवरात्रीच्या पार्श्वभूमीवर हा निर्णय घेतला असून सकाळी ६ ते ९ या वेळेत गुजरात बाजूकडून ठाणे दिशेने जाणाऱ्या अवजड वाहनांची वाहतूक बंद करण्याची अधिसूचना जारी करण्यात आली आहे. त्यामुळे सकाळच्या गर्दीच्या वेळी महामार्गावरील दगदग काही प्रमाणात कमी होणार आहे. या निर्णयामुळे मुंबईकरांना तात्पुरता का होईना पण मोठा दिलासा मिळाला आहे.