वांद्रे वरळी सी-लिंक टोलमुक्त करावा अशी मागणी करणारं पत्र मनसेने मुख्यमंत्री एकनाथ शिंदे यांना लिहिल आहे. मुंबईतल्या प्रभादेवी चौकात खड्डेच खड्डे आहेत. त्यामुळे हा रस्ता दुरुस्त करून टोल घ्यावा असं पत्रात म्हंटल आहे.

मुंबईतल्या अनेक रस्त्यांवर खड्डे आहेत. त्यावरून प्रवास करताना वाहनधारकांना त्रास सहन करावा लागतो. मग टोल का घेता? असा वाद अनेक दिवसांपासून आहे. आता यावर मनसेने मुख्यमंत्र्यांना पत्र लिहून पुन्हा एकदा या विषयाला हात घातला आहे. वांद्रे वरळी सी-लिंक हा टोलमुक्त करावा असं या पत्रात मनसेने म्हंटल आहे. प्रभादेवी रस्त्याची खड्ड्यांमुळे अक्षरश: चाळणी झाली आहे. त्यामुळे या रस्त्याची दुरुस्ती होईपर्यंत टोल आकारू नये, अशी मागणी पत्रातून मांडण्यात आली आहे.