मनसेचे दादर माहीम मतदारसंघाचे उमेदवार अमित राज ठाकरे यांनी आजपासून डोअर टू डोअर प्रचार सुरू केला आहे. माहिम मतदारसंघ येथे मच्छीमार कॉलनी येथे अमित ठाकरे हे पत्नी मितालीसह प्रचार करत आहेत.

दादर माहीम मतदारसंघातील निवडणूक ही अत्यंत प्रतिष्ठेची मानली जात आहे. या जागेवरून बऱ्याच राजकीय घडामोडी घडत आहेत. दादर माहीम मतदारसंघातून मनसे अध्यक्ष राज ठाकरे यांचे पुत्र अमित ठाकरे हे पहिल्यांदा निवडणुकीच्या रिंगणात उतरत आहेत. त्यांना भाजपकडून देखील जाहीर पाठिंबा देण्यात आला आहे. अमित ठाकरे यांच्या विरोधात शिवसेना शिंदे गटाकडून सदा सरवणकर यांना उमेदवारी मिळाली आहे. प्रचारासाठी आता अमित ठाकरे माहीम दादरमध्ये पत्नी मितालीसह दाखल झाले असून प्रत्येक घरी जाऊन ते प्रचार करताना दिसत आहेत.

E